111 जनाद्वारा पढिएकाे
काठमाडौं, १६ मंसिर ।
नेकपाका स्थायी कमिटी सदस्य शंकर पोखरेलले पार्टीमा उत्पन्न समस्यालाई लिएर प्रधानमन्त्री केपी शर्मा ओलीको मात्र राजीनामा माग्नु गलत भएको बताउनुभएको छ । लुम्बिनी प्रदेशका मुख्यमन्त्रीसमेत रहेका स्थायी कमिटी सदस्य पोखरेलले पार्टीमा देखिएको विवादको मुख्य कारक प्रधानमन्त्री ओलीलाई मात्रै ठान्नु एकता विरोधी मानसिकता भएको बताउनुभएको हो ।
उहाँले सामाजिक सञ्जालमार्फत नेकपामा पछिल्लो समय देखिएको विवाद समाधानका लागि प्रधानमन्त्री ओलीलाई एक पक्षीय रुपमा मात्र बाधक देख्नु गलत भएको बताउनुभएको हो ।
